*{{حـقـــق الحلم بنفسك نــعم انه عام الــمعـجـــزااااااااااااات}}*هام جدا تم تعديل اول رد
كاتب الموضوع
رسالة
هتلر_mastour Admin
المساهمات : 187 تاريخ التسجيل : 28/11/2009 العمر : 31
موضوع: *{{حـقـــق الحلم بنفسك نــعم انه عام الــمعـجـــزااااااااااااات}}*هام جدا تم تعديل اول رد الإثنين يناير 04, 2010 11:02 am
السلام عليكم ورحمه الله وبركاته فى البدايه كلامى موجه لمعظم الاعضاء فيه فئه قليله جدا الكلام مش ليهم وهما هيعرفوا نفسهم من خلال قرائتهم للموضوع
بسم الله الرحمن الرحيم فى البدايه سواء كنتى عضو او عضوه كبير او صغير تخين او رفيع طالما وصلت ودخلت موضوعى دا لازم تعرف ان عندك مشكله والمشكله دى هيا اللى دخلتك موضوعى وهيا اللى دخلت المنتدى وهيا اللى بتقعدك على النت الكميه دى من الوقت او مقعداك على النت على غير عادتك
-لا استنى متفكرش تطلع من الموضوع مش معنى انك طلعت من تبقى مشكلتك اتحلت كده اقولك على حاجه سيبك من المشكله دى خالص متحاولش تحلها ارميها ورا ظهرك
-المهم خليك معايا انا او تسيب الموضوع او تروح كده ولا كده خلى بالك انا شايفك جمله مقتبسه
-بص يا سيدى(متبصش عليا انا ) روح بص على النتيجه كده وشوف تاريخ النهرده وتعالى النهارده كااااام النهارده حتبدأ السنه الجديده
-ايه عاوز تبدأ السنه الجديده زى منت كده مفيش حاجه جديده عاوز تبدا بنفس السلبيه مفيش حاجه متغيريه خلاص نوقفلك الزمن عشان حضرتك معندكش جديد تعمله
اااااه مفيش حاجه فى دماغك دلوقتى طب ايه رأيك يبقى فيه بص بقا
-روح هات ورقتين وقلم وتعالى معلش روح هات ورقه ثالثه كمان فى الورقه الثالثه دى حضرتك حتكتب فيها انا حقعد النهرده ساعه لوحدى كده عشان املىْ الورقتين التانيين عشان مش عاوز ابقى سلبى وحدد انت ياعم الساعه دى شوفت انا ديمقراطى ازاى -نيجى بقا للساعه اللى انت حددتها/اولا حتجيب الورقه الاول وترجع بخيالك كده بالزمن لورا من اول السنه اللى فاتت كده وشوف نفسك كده اكتب فى الورقه دى كل غلطاتك السنه اللى فاتت شوف غلطت فى مين شوف عصيت ربنا فايه لو مش فاكر كل حاجه اكتب غلطاتك الكبيره وطبعا حتكون فاكرها ولو غلطاتك كثير اوى روح هات ورقه تانيه يا اخى متبقاش بخيل حتسيب بقا مساحه كده بعد كل غلطه المساحه دى بقا حتكتب فى السنه الجديده حتصلح الغلط دا ازاى حتروح تصالح صاحبك اللى زعلته ازاى حتبطل الحاجه اللى بتغضب ربنا ازاى حتصالح اهلك ازاى وكل حاجه حتكتبها بخطواتك ولو حاجه متعود عليها حاول تصلحها تدريجيا يعنى لو متعود تكدب 50 كدبه فى الشهر قول لا من اول السنه الجديده اول شهر حكدب 20 بس تانى شهر حكدب 5 بس لحد ما تبطل خالص ومتنساااااااااااااااش كل حاجه هتحدد ليها مواعيد حتعملها فيها ولازم تعملها فى الوقت اللى انت حددته دا عشان تنجح فيهم متقولش ان شاء الله وتقعد كده متعملش حاجه قول ان شاء الله حعمل فى خلال المده اللى انا حددتها دى واخلص اللى ورايا اعتبره مشروع يا اخى وانت بتعمل فيه
-نيجى بقا للورقه الثانيه /سعادتك حتكتب فيها احلام كده لو انت عندك حلم محدد يبقى وفرت عليا كويس انك محدد معندكش اى احلام خالص اخترع حلم جديد ااااااااااى حلم ييجى على بالك مفيش حاجه اسمها مستحيل احلم انك تطير فى السما ايوه متستغربش فيه غيرك حاول يعملها وفشل بس حاول احلم انت انك تحاول زيه احلم انك انت اللى تنجح مهو الناس دى مش احسن منك فى حاجه فيهم حاجه زياده عنك؟ حاول تستفيد من خبراتهم ومن محاولتهم وشوف هما غلطوا فى ايه الناس اللى حاولت قبلك دول
بعد لما حددت حلم او تخيلته حتسيب بردو مسافه كده وتكتب فيها ازاى هتحقق الحلم دا متكتبش حعمل واعمل واعمل وانت قاعد كده او نايم مش بتعمل حاجه او مستنى حاجه معينه لما تحصل حعملها مهو بستنى دلوقتى ولو استنيت حتستنى كتير اوى لا انت دلوقتى عندك حلم الحلم دا مكون من خلطوات وعمل حتعمله عشان تنجح وتنبسط ومشاكلك تتحل
حتعمل بقا زى الورقه الاول حتسيب مسافه بين كل حلم وتكتب فيها الخطوات اللى حتخلى حلمك دا ينجح الحاجات اللى حتجيبها الحاجات اللى حتعملها الوقت اللى حتعمل فيه الحلم دا انا مش عاوز الحلم دا يتحقق كله السنه دى انا عاوز على الاقل جزء صغير من الاخر كده انا عاوزك تقتنع ان الحلم دا موجود وممكن يتعمل ويتحقق لو انت كنت شايف الحلم دا مستحيل زى حلم الانسان الطاير دا وزى ما قولتلك اتعلم من خبرات الاخرين لان كل فشل اكيد حياقبله نجاح دا دورك انت بقا انك تنجح -متبصش للظروف وتحط قدامك عراقيل وحواجز خياليه وتقول حتمنعنى لانها اصلا مش موجوده انت اللى محقق وجودها عشان تعلقك عليها شماعه فشلك الورقتين دول سعاتدك بقا حتشوف اكتر مكان فى البيت انت بتتواجد فيه وتعلقهم قدامك كد وتبقى علطول شايفهم وتعلم علامه(صح)بعد كل خطوه حققتها وتحاول فى اخر السنه تاخد العلامه الكامله وتحقق كل حاجه منت مش حينفع تقعد كده السنه دى زى اللى قبلها زى كل سنه واطمن طالما عملت حاجه ربنا حيعطيك على قد عملك ومش حيضيع تعبك ده على الفاضى
لو لقيت نفسك اتاخرت فى خطوه او معرفتش تعملها اوعى تقطع الورقه وتقول خلاص كده لا فكره تعمل خطوه اسهل بدالها او زود وقتك حاجات بسيطه بس دا طبعا لو فعلا مقدرتش لو فعلا حاولت ومعرفتش متقعدش كده مطنش ومتعملش حاجه وتقول انا معرفتش احقق الخطوه دى اهم حاجه ان حلمك دا تكون شايفه واقع وحقيقه قدامك وانت حتعملها
لو لقيت نفسك ما اتسفادتش بكل الكلام دا يبقى انت من الفئه القليله اللى قولت عليهم فى اول الموضوع
اخيرا حاول من من دلوقتى تحرص انك تبص لدينك شويه وتحاول تكسب من برده ومتخسرش لإاى حته حاول هنا فى المنتدى تحط صوره شخصيه وتوقيع شخصى دينى مثلا كل اللى يشوفه ياخد حسنات وانت كمان تاخد حسان زيه احسن ما تخسر وتاخد سيئات من صور البنات اللى بتحطها او الاغانى اللى بتكتبها فى توقيعك -فكر ديما تكسب ومتبصش خالص للخساره لان مجرد النظر ليها دا فى حد ذاته خساره معلش طولت عليكوا بس الكلام دا كان نفسى اقوله اوى يارب يكون موضوعى عجبكم او على الاقل عجب 1% منكوا يارب يكون اقنع حد ويارب حد يعمل الكلام اللى بقوله دا وربنا يوفقنا كلنا فى حياتنا يارب تحياتى ليكم/برشلونى للابد والسلام عليكم ورحمه الله وبركاته
*{{حـقـــق الحلم بنفسك نــعم انه عام الــمعـجـــزااااااااااااات}}*هام جدا تم تعديل اول رد
موضوع: *{{حـقـــق الحلم بنفسك نــعم انه عام الــمعـجـــزااااااااااااات}}*هام جدا تم تعديل اول رد 
الإثنين يناير 04, 2010 11:02 am
